By Slot van die Paarl is ons trots op ons Afrikaanse onderwysstelsel wat streng die riglyne van die CAPS-kurrikulum volg. Ons glo in die krag van klein klassies wat ons in staat stel om individuele aandag aan elke leerder te gee. Ons maak gebruik van ’n wye verskeidenheid hulpbronne om te verseker dat leer nie net opvoedkundig is nie, maar ook boeiend en leersaam.

Voorskool: Speel om te Leer

Ons voorskoolprogram is ontwerp met die kleinste leerders in gedagte. Ons verstaan dat kleintjies speel om te leer, en daarom fokus ons op ‘n speelgebaseerde benadering wat nuuskierigheid prikkel en ‘n liefde vir leer kweek. Deur interaktiewe aktiwiteite ontwikkel kinders noodsaaklike sosiale, emosionele, en kognitiewe vaardighede in ‘n veilige en ondersteunende omgewing.

Grondslagfase: Bou ‘n Sterk Fondasie

In die grondslagfase (Graad R-3) lê ons die fondasie vir toekomstige akademiese sukses. Ons fokus intens op geletterdheid en syfergeletterdheid, en verseker dat elke leerder ’n stewige begrip van hierdie kernvaardighede ontwikkel. Met ons klein klassies kan ons vinnig identifiseer waar addisionele ondersteuning benodig word, en bied ons geteikende intervensies om elke kind te help om sy volle potensiaal te bereik.

Intersenfase: Ontwikkeling van Kritiese Denke

Die intersenfase (Graad 4-7) is daarop gemik om leerders se kritiese denkvaardighede en onafhanklike leervermoëns te ontwikkel. Ons moedig selfstandigheid aan en bied geleenthede vir probleemoplossing en kreatiewe denke. Deur ‘n diverse reeks leerhulpbronne en projekgebaseerde werk, berei ons ons leerders voor om uit te blink in die hoërskool en om suksesvolle, verantwoordelike lede van die samelewing te wees